GENERAL SANTOS CITY – Duha ang patay human nga mibangga ang motorsiklo sa nakaparada nga truck nga drop side sa circumferential road sa Prk 14 Pendatun Apopong ning syudad.
Ang mga namatay mao sila si Ian Mark Soraw Gulanday, 26 taga Brgy San Jose, driver sa motor samtang ang pasahero niini ang namatay usab nga si Basirin Dasad, 34 taga Sitio Paw-paw , Tboli South Cotabato.
Giila sa Traffic Management Unit ang driver sa truck nga si Dayna Odaw Abas nga taga Zone 4 Fatima ning syudad.
Sa imbestigasyon, paspas ang dagan sa motor og samtang gasubay sa circumferential road sa Prk 14 Pendatun Apopong wala nakabantay sa trak nga nakaparada sa inner lane hinungdan nga mibangga.
Tungod sa kusog nga impact sa pagkabangga nakaangkon ang mga biktima og head and body inujiries hinungdan sa ilang kamatayon.
Giimbestigahan na sa TMU kung kinsa ang may tulubagon sa maong aksidente.
