Duha ka tawo ang patay ug lima ang naangol sa pagpamusil sa Florida State University.
Matud ni FSU Chief of Police Jason Trumbower, ilang nasikop ang suspek human usab kini gipusil sa mga mirespondeng pulis ug nagpaalim na kini sa tambalanan.
Giila ang suspek nga si Phoenix Ikner, 20-anyos ug anak sa deputy sa Leon County sheriff. Base sa imbestigasyon, nagtuo ang mga awtoridad nga dunay armas ang suspek nga posibleng gikuha niya sa trabahoan sa iyang inahan sa Leon County Sheriff’s Office.
Ang suspek gikatahong nahimong suod sa nasangpit nga buhatan diin lakip usab siya sa mga training program sa buhatan sa Leon County Sheriff.
Nakuha gikan sa suspek ang usa ka handgun ug laing shotgun sa buhatan sa student union ug nakuhaan usab og armas ang sakyanan sa suspek. Gisusi pa sa mga otoridad ang motibo sa pagpamusil sa suspek.
Tungod sa insidente, hangtod sa duha ka adlaw nilang gikansela ang klase ug kalihokan. Si Florida State University community President Richard McCullough nipasalig nga mohatag sila og tabang sa mga nangamatay ug naangol nga mga biktima.
Ang Tallahassee campus sa Florida State University adunay kapin sa 42,000 ka mga estudyante.
