2 patay, 14 angol sa naghitabo nga mass shooting sa Alabama

Duha ka tawo ang namatay ug 14 pa ang naangol sa usa ka mass shooting sa Alabama.

Sumala sa Montgomery Police, ang insidente nahitabo mga alas 11:30 sa gabii. human sa dula sa football tali sa Tuskegee University ug Morehouse College.

Nagsugod ang insidente dihang nagkalalis ang duha ka magkaaway nga grupo ug nagbinayloay og pinusilay.

Usa ka babaye ang lakip sa namatay samtang duha ka bata ang naangol sa insidente.

Gidala sa tambalanan ang mga naangol nga biktima samtang nagpadayon ang imbestigasyon sa mga awtoridad.