GENERAL SANTOS CITY– Nagpahigayon og occular inspection ang kapulisan kaabag ang mga sakop sa 73IB Philippine Army sa Sitio Malag-agol, Brgy. Kinam Malapatan, Sarangani Province human ang natigayong engkwentro aging adlaw sa mga rebeldeng NPA og militar.
Matud pa ni Lt. Col. Teody Condesa, tigpamaba sa Sarangani Provincial Police Office, ang engkwentro nagresulta sa pagkamatay sa duha ka NPA nga ang usa nailhan nga si Glenville Magwan Alias Tyu samtang ang usa ka kauban ang wala pa mailhan walay natalang samdan o namatay sa tropa sa 73rd IB Philippine Army ingon man ang mga sibilyan.
Gibutyag ni LtC. Condesa, natigayon ang engkwentro human nga nagpahigayon og focus combat patrol ang mga sundalo sa bukirong bahin sa Sitio Malag-agol dihang giatake sa dili muobos sa 10 ka armadong grupo nga gipangunahan ni Alias Allan ilawom sa NPA Front 71 Far South Mindanao Region.
Milungtad og kapin usa ka oras ang engkwentro una pa miatras ang mga rebelde sa lugar. Nakuha sa militar gikan sa encounter site ang usa ka M16 rifle og M653 rifle.
Nanawagan ang opisyal og kooperasyon sa gobyerno nga dakong tabang sa gustong mahitabo ni Pang. Rodrigo Duterte nga masumpo ang mga armed grous sa rehiyon.
