GENERAL SANTOS CITY – Nagpabiling balhug ang duha ka notorious nga drug personalities nga nasikop sa managlaing operasyon nga gipahigayon sa Philippine Drug Enforcement Agency (PDEA-12) sa ilang area of responsibility.
Una niini, nasikop kaniadtong Setyembre 5 sa Purok 1, Lamcanal, Barangay Malandag, Malungon, Sarangani Province ang nagpangalan ug RANDY ORDOÑEZ, 19-anyos, resiente sa Purok 5 Sitio Lamcanal, Brgy. Malandag, Malungon, Sarangani.
Narekober sa iyang posisyon ang duha ka sachets sa shabu nga may estimated value nga P1,360 ug buy-bust money.
Samtang, kagahapon sa sayong kaadlawon, sikop usab sa laing operasyon sa Purok 2, Barangay New Janiuay, M’lang, Cotabato Province ang nagpangalan ug John Tupas, 56-anyos. Usa siya ka target-listed personality nga nalambigit sa buy and sell ug usa ka surfacing drug personality.
Matud sa report, nagpadayon gihapon siya sa iyang iligal nga gimbuhaton, ug ginagamit usab ang iyang laborers aron mahimong drug couriers aron ibiyahe ang ilgal nga droga gikan sa identified sources paingon sa M’lang.
Nakumpiska sa iyang posisyon ang pito ka sachets sa shabu nga may estimated value nga P68,000, improvised tooter, duha ka caliber .45 pistols, tulo ka magazines, mga bala ug puti nga SUV.
Nag-tubang ang duruha ug kasong pagsupak sa RA 9165 kon The Comprehensive Dangerous Drugs Act of 2002, kung asa kang Tupas may dugang kaso nga RA 10591.
