Duha ang kumpirmadong patay sa magnitude 7.4 nga linog sa Davao Oriental kaganihang alas 9:43 sa buntag. Tungod niii usa ka tsunami alert ang gi-isyu sa Philippine Institute of Volcanology and Seismology (PHIVOLCS).
Ang PHIVOLCS nagkanayon nga ang magnitude 7.4 nga linog miigo sa 44 kilometros amihanang-sidlakan sa lungsod sa Manay.
Ang magnitude sa una gikataho nga 7.6. Ang linog niigo sa gilawmon nga 23 kilometros og tectonic ang origin.
Matud sa gobernador sa Davao Oriental nga si Nelson Dayanghirang nga 2 ka mga indibidwal ang kompirmadong patay sa ilang probinsya human sa linog.
Dungan sa maong linog, anaa sa Intensity 5 ang pinakakusog nga nabatyagan.
Sumala sa Phivolcs nga gatusan na ka mga aftershocks ang natala. Sa pagkakaron, ang tsunami warning gitaas sa Eastern Samar, Dinagat Islands, Davao Oriental, Southern Leyte, Surigao Del Norte, Leyte, ug Surigao Del Sur.
Daghang mga istruktura ang gikataho nga naguba og adunay nareport nga nasamdan og nalipong human sa makusog nga linog.
