2 ka tren nagbangga sa Poland; 2 katawo, na angol

Duha ka tren sa pasahero ang nagbangga duol sa Bialosliwie sa kasadpang Poland.

Duha ka tawo ang nasamdan sa insidente.

Ang tigpamaba sa bombero nga si Pawel Rykowski miingon nga ang usa sa mga tren nagbiyahe gikan sa Kolobrzeg paingon sa Warsaw East Station, samtang ang usa gikan sa Pila paingon sa Bydgoszcz.

Nahitabo ang bangga mga alas 6:04 sa gabii (oras sa Poland) sa Bialosliwie.

Gibanabana nga mga 200 ka pasahero ang sakay sa duha ka tren sa dihang nahitabo ang aksidente.

Ang mga video nga mikatap sa social media nagpakita sa mga pasahero nga nagtindog sa riles samtang daghang mga bagon ang nadiskaril sa bangga.

Giimbestigahan pa sa mga awtoridad ang hinungdan sa aksidente.