2 ka suspek sa pagpangawat sa Louvre museum nadakpan

Gidakop sa mga awtoridad sa Paris ang duha ka suspek nga nangawat og mahalon nga crown jewels gikan sa museyo sa Louvre.

Sumala sa Paris prosecutor’s office, usa sa mga suspek hapit na mobiya sa nasud ug nadakpan sa Charles de Gaulle Airport.

Nakakuha og DNA ang mga awtoridad gikan sa crime scene aron dali nga mailhan ang mga suspek.

Gibilin sa mga suspek ang pipila ka mga butang sama sa gwantes ug usa ka dyaket.

Mahinumduman nga ang upat ka suspek nangawat sa Galerie d’Apollon ug nangawat og mga alahas nga nagkantidad og $102 milyon.