2 ka sundalong Amerikano patay human sa airstrike sa Iran sa Jordan

Patay ang duha ka sundalo sa Estados Unidos samtang usa pa ang wala gihapong makit-i human sa giingong pag-atake sa Iran sa Jordan.

Matud sa US Central Command, kini ang unang higayon nga adunay sundalo sa Amerika nga namatay sukad misugod ang ilang giyera batok sa Iran niadtong Marso.

Samtang, upat ka sundalo sa Estados Unidos ang nasamdan ug karon nagpaayo sa usa ka ospital.

Nahitabo ang insidente atol sa ilang pagdepensa batok sa pag-atake sa Iran gamit ang mga ballistic missile ug mga drone.

Wala pa gipagawas sa US Central Command ang mga ngalan sa mga biktima isip pagtahod sa ilang mga kabanay.