GENERAL SANTOS CITY – May pagbag-o nga matigayon sa sparring session ni eight division world champion og a Sen. Manny Pacquiao sa sunod nga semana.
Kini ang gibutyag sa Bombo Radyo ni Head Coach Buboy Fernandez kung asa sumala pa niini pulihan og duha ka bag-ong mga boksingero ang sparring partners ni Pacquiao nga silang Ricky Sismundo ug Arnel Tinampay nga pulos taga Bohol.
Gibutyag ni Fernandez, wala pa niya makuha ang mga pangalan apan may nakaabot nga mensahe kaniya nga ang usa gikan sa Philippine team nga pareho matud pa og linihukan kang Lucas Matthysse samtang ang laing usa ka sparmate ang gikan sa Cebu.
Walay problema kay Sismundo isip ka-sparmate apan gilikayan nila nga ma-injury og mabun-og ang nasampit. Nalooy sila niini sukad nga naigo sa upper cut sa fighting senator.
Si Tinampay usab ang adunay gipaabot nga away sa China apan si Australian boxer George Kambosos Jr ang permanenete sa training camp ni Pacman tungod undercard kini sa engkwentro ni Pacquiao sa Malaysia kontra sa usa ka Filipino fighter.
Kagahapon, day-off una sa pagbansay ang Pinoy ring icon human nga nakit-an na ang ‘pick’ sa kondisyon niini.
Samtang balik sa training karong adlawa kung asa walo ka sparring session ang ipahigayon
