GENERAL SANTOS CITY -Duha na lang gikan sa siyam ka mga person under monitoring kon PUM sa posibleng coronavirus disease 2019 sa Sarangani Province.
Matud pa ni Dr. Arvin Alejandro, provincial health officer sa probinsya nga gikan ang duha sa Taiwan kung asa una sila nga na-hold sa Cebu og gipailawom usab sa quarantine una gitugutan nga makalahos sa Sarangani og gipailawom sa monitoring.
Sa pamahayag sa nasampit, hangtod karon nagpadayon ang ilang monitoring kung asa angayang mureport dayon kung mag-develop og unsa mang sintomas sa maong sakit.
Samtang sa bahin sa 4 ka mga Chinese national nga una nang gipailawom sa quarantine period sa Sarangani, gitugutan ang mga nasampit nga makauli og hangtod karon wala nagdevelop og unsa mang sintomas sa covid 19 og galaum si Dr. Alejandro nga mulapas sa 27 ka adlaw ang ilang maayong kondisyon sa lawas.
Nasayran nga tanang panginahanglanon sa mga nasampit ang gihatag sa probinsya.
