Patay ang duha ka Filipino seafarer human giatake ang ilang barko samtang naglawig sa Strait of Hormuz.
Gikumpirma sa Bahri, ang national shipping company sa Saudi Arabia, nga ang ilang barko nga SIDR naigo samtang naglawig sa Strait of Hormuz niadtong Agosto 31.
Wala na naghatag og dugang nga detalye ang kompanya kalabot sa maong insidente.
Apan sumala sa maritime security agency nga UKMTO, ang tanker naigo sa tulo ka wala mailhing projectiles samtang naglawig kini sa Strait of Hormuz.
Niadtong miaging bulan, naigo usab ang laing barko sa kompanya nga Wedyan, usa ka supertanker, samtang naglawig duol sa katubigan sa Oman.
Dugang pa, duha pa ka barko sa kompanya, ang AMZAN ug MASA, ang giatake sa Red Sea sa mga rebelde nga Houthi gikan sa Yemen.
Balik-balik usab nga nagpahimangno ang Iran nga ilang atakehon ang bisan unsang barko nga moagi sa Strait of Hormuz.
