2 ka Pinay na-stranded ug walay pagkaon tungod sa super typhoon Ragasa nga miigo sa Taiwan

Gipaklaro ni Loida Salazar-Hu ang Bombo International Correspondent sa Taiwan nga adunay duha ka pinay ang labing naapektuhan sa natigayong pagbaha.

Sumala pa niini nga daghan ang apektado gumikan kalit ang pagbaha nga anaa lang sa lima ka minuto gilunupan na ang Guangfu Township diin daghan ang mga OFW sa maong lugar.

Dugang pa niini nga sa milabayng adlaw nakasinati ug makusog nga pag ulan ang Hualien City sa Taiwan nga dala sa epekto sa Super Typhoon Ragasa.

Kahinumduman nga ang Taiwan ang adunay labing grabe nga kadaot nga natala, diin labing menos 14 ka tao ang kumpirmadong patay, samtang kapin sa 100 ka residente ang gi-report nga missing human maguba ang usa ka barrier lake ug niigo ang tubig ngadto sa komunidad sa Hualien.