Duha sa upat ka mga Pilipino nga nasamdan sa pag-atake sa Iran sa Israel agig balos sa airstrike niini sa Tehran sa miaging semana ang nakagawas na sa ospital.
Sa usa ka press briefing sa Malacañang, si Palace Press Officer Atty. Claire Castro niingon nga duha lang ang nagpatambal sa tambalanan ug nangayo og pag-ampo sa katawhan alang sa ilang kaluwasan.
Matod niya nga gimandoan ni Presidente Ferdinand Marcos Jr. ang Department of Foreign Affairs (DFA), Department of Migrant Workers (DMW) ug Overseas Workers Welfare Administration (OWWA) nga tabangan dayon ang mga Filipino nga apektado sa air strike sa Iran ug Israel.
Matud pa ni Castro nga gipasalig sa Presidente ang tulo ka ahensya sa pagsiguro nga walay Pilipino nga mahibilin sa nagpadayon nga sitwasyon aron masiguro ang kaluwasan sa tanang Pilipino sa Israel ug Iran.
Matud pa ni Castro nga gisiguro sa DFA nga adunay giandam nga contingency plan sa higayon nga ang mga Filipino gikan sa Iran, gibana-bana nga 2,000 ug kadaghanan kanila minyo sa nahisgutang nasud, kinahanglan nga ibakwit.
