GENERAL SANTOS CITY – Mihupas na ang passport ug visa sa duha ka Pakistani national nga kustodiya karon sa Immigration Office sa dakbayan.
Kini human gidakop kagahapon kauban sa mga sakop sa Polomolok Municipal Police Station ang duruha sulod sa gialagaran nilang kompanya sa Cannery, Polomolok.
Giila sa Bureau of Immmigration ang mga dinakpan nga silang Amer Hamsa ug Adel Anwar.
Matud pa nga dugay nang gipangita ang mga nahisgutan human napaso ang gihuptan nilang papeles.
Ulahi na lamang nahibaw-an sa mga otoridad nga nagtrabado di-ay ang duruha sa kompanya sa pinya hinungdan nga nakiglambigit sa kapulisan sa Polomolok.
Nakatakda usab nga dad-on sa Davao City ang mga dinakpan aron didto i-kustodiya samtang giandam ang ipasaka nga kaso batuk kanila.
