GENERAL SANTOS CITY – Nagpadayon pa ang gihimong imbestigasyon sa mga otoridad sa natigayong vehicular accident sa Mlang North Cotabato nga nagresulta sa pagkamatay sa duha ka biktima nga gikatahong residente sa General Santos City.
Giila sa mga otoridad ang mga biktima nga usa ka Berly Placenia Diwaten og Emiliano Tedios Esog nga parehong residente sa Promiseland Subdivision sa Barangay Mabuhay ning dakbayan.
Sa inisyal nga imbestigasyon, sakay ang mga biktima sa motorsiklo ug misuway sa pag-overtake sa prime mover, apan nawad-an matod pa sa kontrol sa manibela si Esog, hinungdan sa maong aksidente.
Parehong wala nay panimuot ang mga biktima dihang naabtan sa ga personahe sa rescue team sa Mlang.
Nasayran nga ang lalaking biktima ang gibawian sa kinabuhi samtang kini giatiman sa mga doktor samtang ang babaye ang gideklarang dead on the spot sa insidente.
