Duha (2) ka sunog sa kalasangan ang nahitabo sa Iwate Prefecture, Japan, sugod niadtong Miyerkules, diin ang kalayo mikatap ngadto sa 1,176 ka ektarya sa Biyernes sa buntag (lokal nga oras), hinungdan sa paghikling sa kapin sa 1,000 ka mga residente.
Ang sunog nahitabo sa distrito sa Kozuchi sa lungsod sa Otsuchi mga alas 1:50 sa hapon.
Dali kining mikaylap ug nakaapekto sa pipila ka mga bilding ingon man sa duol nga mga kalasangan.
Pipila ka oras ang milabay, laing sunog ang nahitabo sa bukiron nga distrito sa Kirikiri, mga 10 kilometros ang gilay-on gikan sa unang sunog sa kalasangan.
Tungod sa peligro, ang lokal nga gobyerno nagtambag sa mga residente gikan sa 566 ka mga panimalay nga mobakwit, labi na kadtong nagpuyo duol sa ikaduhang lugar sa sunog.
Bisan pa sa insidente, walay gitaho nga namatay o nasamdan.
Ang weather observatory sa lugar kaniadto nagpasidaan sa uga nga hangin ug kusog nga hangin, nga mahimong makapasamot sa pagkaylap sa sunog. Panahon
Sumala sa report, usa ka 61-anyos nga residente nga mibakwit uban sa iyang pamilya miingon nga duha ka sunog ang nahitabo sa lain-laing mga lugar.
Gipahayag usab niya ang iyang kabalaka bahin sa kahimtang sa ilang balay.
