Sikop sa kapulisan sa Bula Police Station ang mag indibidwal nga silang alyas Sinab ug alyas Hasanodin nga parehong residente sa Bulaong Extension, Brgy. Labangal sa kasong violation of Republic Act 10863 and Tobacco Exportation and Importation Rules and Regulations kagahapong adlawa, Marso 26, 2024 ala 1:40 sa hapon.
Sa inisyal nga imbestigasyon ang mga otoridad ang nag pahigayon ug operasyon kauban ang GSCPO-City Intelligence Unit sa Carcon Village Highway, Barangay Lagao, General Santos City human nga nakadawat ug report sa illegal nga pag baligya ug smuggled cigarettes.
Sakay sa usa ka private tricycle ang duha ka suspek ug sa likod nga gikarga ang mga smuggled nga sigarilyo.
Pag abot sa area gipangitaan gilayon sa kapulisan ug igong dokumento ang mga nahisgutan apan pakyas kini nga magpakita.
Narekober ang 23 Reams sa Cannon Menthol, 21 Reams sa New Berlin, 17 Reams sa Fort, 4 ka Reams sa King Perfect, 4 ka Reams sa L3 menthol ug 17 ka Reams sa Gajah Baru nga adunay kinatibuka ang ihap nga 86 ka smuggled cigarettes ug dunay estimated value nga P67, 578.
Sumala pa nga ang mga sigarilyo ang gikan sa Indonesia. Sa karun balhog sa Police Station 6 ang mga nahisgutan ug takdang pasakahan ug kaso pinaagi sa inquest proceeding samtang ang mga nakumpiska nga sigarilyo ang takdang i-turn over sa BOC-sub port Gensan alang sa tukmang disposisyon.
