Nasikop ang duha ka mga tawo nga giingong namaligya og malimbungon nga SIM card ang sa mga personahe sa NBI.
Nasikop sa mga personahe sa National Bureau of Investigation ang duha ka mga tawo nga giingong nalambigit sa pagpamaligya og mga fraudulent Subscriber Identity Module (SIM) cards.
Giila sa NBI ang mga suspek nga sila si Marvin Eugenio ug Marcedes Clemente.
Ang duha nag-atubang na karon og kasong kalapasan sa Republic Act No. 12010 o Anti-Financial Account Scamming Act, RA 10175 o Cybercrime Prevention Act of 2012 ug RA No. 8484 o Access Devices Regulation Act of 1998 in relation to RA No. 10175.
Nasikop ang mga suspek human sa joint operation sa NBI Cybercrime Division (NBI-CCD) ug NBI Special Task Force (NBI-STF) ubos sa awtoridad sa Warrants to Search, Seize, and Examine Computer Data nga giisyu sa Caloocan City RTC Branch 123.
Dungan sa operasyon, mga 6,000 ka gidudahang pre-registered SIM Cards, upat ka set sa 32-port SIM Banks, ug daghang set sa PCs ug CPs ang nakumpiska.
Gipasalig sa pamunuan sa NBI nga magpadayon ang susamang operasyon aron masumpo ang maong matang sa ilegal nga kalihokan.
