Pormal nga gipasakaan sa Department of Justice (DOJ) ang duha ka independent contractor sa usa tv network nga giakusahan sa sexual abuse batok sa aktor nga si Sandro Muhlach.
Kasong rape pinaagi sa sexual assault ug duha ka counts of acts of lasciviousness ang gipasaka batok kang Jojo Nones ug Richard Cruz sa Pasay Regional Trial Court.
Matod ni Officer-in-Charge (OIC) Prosecutor General Richard Anthony Fadullon, gibase sa prosekusyon ang istorya sa batan-ong aktor sa dihang giingong gilugos niya kini. Nunot niini, si Fadullon niingon nga naminaw usab sila sa habig sa mga akusado apan dili kini igo.
Sa laing bahin, giklaro usab ni Fadullon nga ang giingong inconsistencies sa mga testimoniya ni Sandro dili igo aron ma-dismiss ang kaso.
Base sa resolusyon, tanang elemento sa sexual assault ug acts of lasciviousness ang nakit-an sa reklamo.
