GENERAL SANTOS CITY – Gilayong gilubong base sa pagtulun-ang Islam ang duha ka highschool student nga namatay human malambigit sa maduguon nga aksidente sa dalan sa Sitio Nama, Lumuyon, Kiamba, Sarangani.
Sa pakighinabi sa Bombo Radyo, gibutyag ni PO2 Eduardo Martin, desk officer sa Kiamba Municipal Police Station, nga natigayon ang insidente alas-11:30 kagahapon sa buntag, kung asa gikalambigitan kini sa usa ka motorsiklo ug Hilux nga pickup.
Giila ang mga batan-on nga namatay nga silang Andy Jafar, taga- BRgy Datu Dani, ug Michael Ruahab, 18-anyos, taga-Kapate, Kiamba.
Samtang ang pickup gimanehuan sa nagpangalan ug Arthuro Reslat, 74-anyos, taga-Maitum. Dead on the spot ang driver sa motorsiklo, samtang dead on arrivals a ospital ang backrider nga batan-on, human mapasok sa sakyanan, human sa banggaanay.
Gikustodiya na sa kapulisan sa Kiamba ang driver sa pickup, samtang nagpadayon ang imbestigasyon.
