GENERAL SANTOS CITY – Gikatakdang mubisita ang duha ka warship vessel sa Indonesian Navy nga mudunggo sa Makar Wharf, General Santos City.
Kini ang gibutyag ni Lt. James Reyes, tigpamaba sa Naval Forces Eastern-Mindanao dihang nahidangat sa sibyahanan kagahapon.
Matud niini, muabot ang mga barko sa nasud Indonesia sa Oktobre 29- 31 kasamtangang tuig.
Gikadugang ni Lt. Reyes, sama sa BRP Andres Bonifacio nga nakabisita sa GenSan sa milabay nga mga bulan, magpahigayon usab og “open house” o pagdawat og mga bisita sulod sa barko nga tumong nga mapakita ang landing platform dock capability.
Ang open house, mag-abli og alas-9:00 sa bugta hangtod alas-4:00 sa hapon sa Uktobre 30-31 og libre kini sa publiko.
Sa pamahayag ni Lt. Reyes, magpahigayon og arrival ceremony nga sundan og usa ka simpleng reception nga tambungan sa mga opsiyales sa syudad.
Una muhawa ang Indonesian vessels sa November 1, adunay ipahigayon pa nga ‘goodwill and traditional games’ tali sa mga crew sa Indonesian navy og Philippine Navy kauban ang Reservist, PNP Maritime og Joint Task Force-GenSan.
Samtang, maghalad usab og cultural show og panihapon ang Phil. Navy alang sa mga bisita bag-o muhawa.
Sa pamahayag pa ni Lt. Reyes, makaangkon ug tour sa syudad ang mga sakay sa duha ka Indonesian warship vessel.
