GENERAL SANTOS CITY – Malampuson ang gihimong buy-bust operation sa Philippine Drug Enforcement Agency kon PDEA kauban ang General Santos City Police Office sa Santol Street, Dadiangas North ning syudad.
Ang operasyon nagresulta sa pagkabungkag sa usa ka drug den og pagkasikop sa lima ka mga suspek.
Ang mga dinakpan giila nga silang Melban Santiago,43; Jose Andy Imperial, 51, mekaniko; Annalou Figura, 28, Ana AzurAbila og Froilan Benares, 26 pulos mga walay trabaho.
Si Santiago og Imperial ang tag-iya sa nasampit nga drug den nga dugay ng namonitor sa kapulisan.
Nakumpiska atol sa operasyon ang tulo ka sachets sa gituohang shabu nga adunay kabug-aton nga 11 gramos nga adunay market value nga P74,800.00 og nagkadaiyang drug paraphernalia.
Mag-atubang ang lima ka suspek sa kasong pagsupak sa RA 9165 o Comprehensive Dangerous Drugs Act of 2002.
