GENERAL SANTOS CITY – Duha ang patay human gipusil sa riding in tandem kagahapong adlawa, atul sa Pasko sa Pagkabanhaw.
Dead on the spot ang giila lamang nga si Beng-Beng Lauron, human gipusil sa gunman kauban ang lain pang usa ka biktima nga si Jessie Asoque, 21-anyos, sa panimalay sa ilang higala sa Prk 20 Brgy Fatima ning siyudad.
Nadala pa sa Dr. Jorge P Royeca Hospital si Asoque, apan gideklara usab nga dead on arrival, human gipusil ug nakaangkon ug samad-pinusilan sa ulo, likod ug kamot.
Base sa inisyal nga impormasyon, nahitabo ang insidente pasado alas-2:00 sa hapon, samtang gakaon ang mga biktima.
Base sa nanggawas nga report, kanhing miyembro sa mga batang sukarap ang mga biktima, butang nga padayon pang ginaberipika sa mga otoridad.
Sa pagkakaron padayong giimbestigahan sa kapulisan ang nasampit nga insidente.
