GENERAL SANTOS CITY – Duha ka barangay sa Maasim, Sarangani ang gibahaan human ang makusog nga pag-ulan sa lugar gumikan sa maut nga panahon kaniadtong Miyerkules.
Matud kang Apolo Norwesio sa LGU Maasim, alas-3 sa hapon adunay kusog nga pag-ulan sa Maasim nga hinungdan nga gilunupan ang mga kabalayan sa Brgy. Malbang og Brgy Poblacion partikulat sa Prk Tinago og Sitio Bairan.
Gibutyag ni Norwesio, nag-overflow ang tubig sa imburnal og milampas ang tubig baha sa National Highway. Kini gumikan matud pa sa nagbara nga mga basura, dagkong kahoy ingon man mga bato.
Gikadugang pa niini nga hangtud tuhod ang tubig baha sa mga nasampit nga lugar.
Hinuon, walay gikareport nga casualty og nadaut nga mga bahandi hinungdan sa pagbaha.
Samtang, karong adlawa ipahigayon ang clearing operation sa mga lugar nga nabahaan.
