GENERAL SANTOS CITY – Nagpadayon ang tracking team sa Philippine Drug Enforcement Agency sa pagpangita nilang Norodin Lawas ug Marife Espadilla nga mga sakop sa Anzar Al Khilafah Philippines nga nakasibat atul sa gihimong raid miaging adlaw sa Sarangani province.
Matud ni PDEA Director Gil Castro nga gikunsidera nga mission accomplish na ang pagkarekober sa mga IED component, druga, cash ug detonating devices nga dakong kawad-on sa kalihukan sa grupo.
Gipaklaro ni Director castro nga wala maglimita sa druga ang iyang mga sakop tungod naapil na dinhi ang kalihukan sa terorismo.
Giangkon usab niini nga organisado ang nahisgutang mga suspek tungod plano niini nga subling buhi-on ang ilang kalihukan human namatay ang ilang lider nga si Muhammad jafar Maguid.
Hinuon nagpaabut pa ang taga PDEA sa paggawas sa warrant of Arrest aron mahimong sayon na lamang ang pagdakop sa mga nahisgutan pag-abut sa panahon kun kini makit-an.
