Usa ka 54-anyos nga apohan namatay samtang nanalipod sa iyang dos anyos nga apo sa aksidente sa sakyanan sa NLEX sa Marilao, Bulacan karong bag-o.
Naluwas ang bata ug nakahiagom lang og minor injuries kay gigakos kini sa iyang apohan dihang nawad-an og kontrol ang ilang sakyanan ug nabalitok.
Ang apohan nga giilang si Bong Chua, namatay samtang unom ang naangol human nabangga ang container truck sa Marilao Bridge sa northbound lane sa NLEX niadtong Miyerkules.
Matod ni Lamqui, naa sa luyo sa trak ang sakyanan sa mga biktima ug dihang nahagbong ang trak sa taytayan, nahulog ang steel beam niini.
Naigo sa steel beam ang likod nga bahin sa sakyanan sa mga biktima hinungdan nga nawad-an og kontrol ang drayber ug natumba.
Matod ni Lamqui nga ang mga biktima mga paryente gikan sa Parañaque ug paingon sa Baguio alang sa usa ka biyahe.
