GENERAL SANTOS CITY – Mukabat sa 19 lugar sa duha ka distrito sa Quezon province ang nagdeklara na ug state of calamity tungod sa epekto sa Typhoon Aghon.
Kini ang mga syudad ug munisipyo sa unang distrito sa Quezon nga mao Tayabas City, Lucban, Real, Infanta,Polilio, Panukulan, Sampaloc , Mauban, General Nakar, Burdeos, Patnanungan, Jomalig, Pagbilao samtang sa ikaduha nga distrito ang Tiaong, Lucena City , Sariaya , Candelaria , Dolores ug San Andres.
Una nga nadeklara ug state of calamity ang Lucena City samtang ginalusak sa bagyong Aghon ang probinsya nga nagresultas a lapad nga pagbaha ug pagka ibut sa mga punu-an sa kahoy ug pagka damyos sa mga tanaman.
Sa data sa Quezon Provincial Disaster Risk Reduction and Management Office (PDRRMO) mukapin sa 3,000 ka pamilya samtang kapin 15,000 ka mga individuals ang apektado sa pagbaha sa lugar.
MUkabat usab sa 24,000 ka mga indibidwal ang apektado sa Lucena City.
