19 ka bag-ong variant sa COVID 19 natala sa Region 12

GENERAL SANTOS CITY – Kasagaran may travel history sa abroad ang mga natakdan sa nagkadaiyang matang sa variants sa COVID 19 sa Region 12.

Matud pa ni Arjohn Gangoso, tigpamaba sa Department of Health 12 nga 19 ang natakdan sa 10 sa UK variant, upat sa African variant, duha sa variant of concerns, tag usa sa Brazil variant, P3 variant og Indian variant.

Hinoon nagmaayo na ang mga nasampit og nakauli na sa ilang tagsa-tagsa ka mga balay .

Hugot nga gitutukan ang nagkadaiyang matang sa variants sa COVID 19 tungod paspas nga makatakod sa tawo.

Ang gikabalak-an nga kung dili makontrola daghan ang mamatay nga mga tawo.

Ang DOH ang padayon ang pahimangno sa publiko nga sundon ang mga health standards aron makalikay sa virus.