Patay ang usa ka lalaki human gitiro sa wala mailhing mga suspek sa Purok 8 extension, Buan Public Market, Apopong ning syudad, kagahapong adlawa Agosto 25, 2025 alas 5:00 sa hapon.
Giila sa Makar Police Station ang biktima nga si Salahudin Macayong, 19 anyos, minyo ug residente sa Prk 9, Lanton, Apopong, ning dakbayan.
Samtang ang duha ka suspek ang wala mailhi sakay sailang getaway vehicle nga XRM kulay blue, dugang pa nga ang gunman ang naka-sout ug itom nga jacket ug facemask.
Base sa inisyal nga imbestigasyon nga ang biktima ug ang asawa niini ang nagsakay ug motorsiklo gikan sailang balay, dihang niabot na sa Buan Public market ang Blue XRM nga motorsiklo ang nag-sunod na saila ug gipusil ang biktima rason saiyang kamatayon.
Ang patayng lawas sa biktima ang gikuha gilayon saiyang pamilya human nga na proseso sa SOCO team ang crime scene tungod ang nahisgutan ang muslim ug nakatakda na kining ilubong.
Narekober sa crime scene ang lima (5) empty shells ug usa (1) ka fired bullet sa alleged cal. 45 pistol.
Sa karun nagpadayon ang imbestigasyon nga gipahigayon sa Makar Police Station kalabutan sa maong insidente.
