GENERAL SANTOS CITY- Naulahi ang GenSan sa gidaghanon sa nabakunahan batok sa tipdas.
Sa report sa DOH 12 nga ang GenSan ang anaa sa 68.53% nga kapin pa sa 18,000 ka mga bata nga nagpangidaron og siyam ka bulan hangtud 59 ka bulan nga mga bata nga bakunahan.
Samtang 70.60% ang nabakunahan sa North Cotabato nga kapin pa sa 40,000 ang bakunahan.
Sa bahin sa Cotabato City anaa sa 73.84% ang nabakunahan og kapin sa 7,000 ang bakunahan.
Ang Sultan Kudarat 81.42% samtang 84.9% ang Sarangani og 85.11% ang South Cotabato.
Sa katibuk-an anaa sa 463,675 ang target nga bakunahan kung asa anaa sa 357,130 ang nahuman na nga nabakunahan batok sa tipdas.
Usa sa mga rason nganong daghan pa ang angayang mabakunahan batok sa tipdas sa GenSan gumikan sa pagsugod sa measles rubella simultanous immunization activity kon MRSIA daghan sa mga health workers ang gi-quarantined gumikan may nakahimamat nga positibo sa COVID 19.
