GENERAL SANTOS CITY – Muabot na karong adlawa ang 18,000 doses nga Sinovac vaccine alang sa mga hospital workers sa Rehiyon 12.
Sa exclusive interview sa Bombo Radyo GenSan kay Arjohn Gangoso, tigpamaba sa Department of Health 12 nga muabot ang bakuna via Awang Airport sa Parang, Maguinadanao. Ang nasampit nga mga bakuna ang alang sa 23 ka mga COVID referral hospitals sa Region 12 nga ideretso sa cold chain facility sa ahensya .
Sa GenSan unom ka mga ospitals samtang sa Sarangani duha ka referrel hospitals nga mao ang Sarangani Health Care Facility og ang Dr. Cornelio Martinez Hospital sa Kiamba.
Gibutyag ni Gangoso nga ipadala sa nagkadaiyang mga lugar sa Rehiyon 12 adlawng Sabado nga gilauman nga sa adlawng Lunes sugdan ang pagbakuna sa mga hospital workers.
Kahibaluan nga miabot na usab ang Sinovac vaccine kagahapong adlawa alang sa Bangsamoto Autonomous Region in Muslim Mindanao kon BARMM.
