GENERAL SANTOS CITY – Target sa lokal nga panggamhanan nga makaangkon ug 185 ka E-Jeep sa siyudad. Sa karon anaa matud pay 30 ka E-Jeep sa dakbayan.
Kini kabahin sa PUV Modernization Program.
Sa maong programa, ang mga E-Jeep ang maoy mubiyahe sa 14 ka consolidated nga rota sa siyudad.
Kahibaluan nga kapin P1 milyon ang kantidad sa E-Jeep, kung asa adunay CCTV camera, GPS, gawas pa nga mas luag ug mas kumportable alang sa mga pasahero.
Pinaagi sa tap card ang pagbayad, kung asa direkta sa bangko ang bayad ug dili sa driver.
Samtang, gipapha sa lokal nga panggamhanan ang kabalaka sa mga driver ug operator sa mga tricycle ug uban pang public transportation, gumikan wala matud pay matigayon nga pag-phase out.
Kahinumduman, pormal nang gilusad sa Land Transportation Franchising & Regulatory Board ang Local Public Transport Route Plan (LPTRP) dinhi sa siyudad aging adlaw.
