GENERAL SANTOS CITY – Sa bag-ohay nahuman nga barangay ug SK election nakakuha ug dise otso sa 26 ka barangay ang mga kandidato nga ka-alyado ni Mayor Lorelie Pacquiao.
Kini human nagpagawas sa iyang panglantaw si City Administrator Atty Franklin Gacal Jr nga kasagaran midaug sa dagkong barangay ang mga suporter sa Mayos sama sa Labangal,Fatima, Calumpang, Mabuhay, City Heights, Apopong ,Bula. Dadiangas West ug Lagao gawas sa San Isidro ng ang midaug gisuportahan ni Mayor Pacquiao ug Congresman Ton Acharon.
Midaug usab ang mga kaalyado sa Mayor ang Bawing, Buayan, Baluan, Tinagacan, Katangawan, Ligaya ug Batomelong.
Samtang unom ka gagmay nga barangay ang naadto sa RCRI mao ang South, North, East, San Jose,Upper Labay ug Tambler.
Samtang midaug sa Olimpog usa ka independent candidate nga si Kapitan elect Cardiño.
Matud ni Gacal Jr nga nakasiguro na si Kapitan elect Bobby Pacquiao nga mahimong Presidente sa Liga ng Barangay ug mulingkod nga usa ka Konsehal sa syudad.
