GENERAL SANTOS CITY- Kapin semana na nga walay operasyon ang City Population Management Office.
Kini ang gikumpirma ni Judith Janiola, ang labaw sa maong buhatan tungod gipailawom ang tanang personahe sa kwarantinas tungod sa pagpositibo una sa usa sa empleyado nga gituohang posibleng nakuha ang virus sa gitambungan nga Church related aktibidad sa usa ka religious group.
Gibutyag niini, may lain pa nga tulo ka empleyado ang nagpositibo human nga gipahigayon ang rapid og swab test kung asa ang mga nasampit ang naka-isolate na karon og ang nakaayo lamang kay mild lang og dili grabe ang mga sintomas nga nasinatian.
Gibutyag ni Janiola nga dili malikayan nga may direct contact silang tanan sa unang staff nga nagpositibo tungod sa kagamay sa ilang buhatan hinungdan nga dili malikayan nga magdug-ol.
Dili angayang balewalaon sa tanan ang mga health and safety protocols tungod mao lang ang liyawe aron batukan ang covid 19 samtang gapaabot pa ang gobyerno og bakuna.
Gidugang pa ni Janiola kung adunay bation sa lawas nga sintomas sa COVID 19 angayang magpahibalo gilayon aron mahatagan og aksyon.
Gihingusgan ni Janiola nga dili makita ang kalaban karon nga COIVD 19 kung asa walay gipili kung kinsa ang biktimahon, kung asa pwedeng bata, hamtong og edaran.
