Anaa sa 18 mga fire volunteer ang nakaangkon ug samad tungod sa pagresponde tungod sa pagpalong sa nasunog nga upat ka andana nga bodega sa Tondo, Manila.
Gilangkoban kini sa 14 nga kalalakin-an og upat ka babaye nga pulos gikan sa nagkadaiyang fire volunteer group.
Sumala sa Bureau of Fire Protection (BFP) nga nakaangkon ug mga first hangtod second degree superficial burns nga kalabanan sa ilang mga kamot og nawong.
Nasamad matud pa ang pipila dihang adunay kalit nga mibuto sa ikaduhang andana sa gambalay nga makita sa Guidote Street sa Balut, Tondo.
Gidala na sa ospital ang maong mga fire volunteer.
Nagsugod ang maong sunog bandang 7:51 sa gabie kaniadtong Huwebes kung asa kapin 24 oras na wala pa hingpit nga napalong.
Nalisdan ang mga bumbero nga musulod tungod sa usa lamang ang pultahan nga pasulod sa gambalay.
Nahimo lamang nga makagawas ang mga stay-in nga empleyado human nga gidugtong ang mga sinena ug pipila ka tela aron sila makanaug.
