GENERAL SANTOS CITY – Anaa na sa 18 ka barangay sa munisipyo sa Polomolok South Cotabato ang gideklarang drug cleared kon nalimpyohan na sa gidiling droga.
Matud ni Police Senior Inspector Hernan Gabat, deputy station commander sa Polomolok Municipal Police Station nga pahumanay na ang gipahigayon nga pagsuhid sa 23 ka mga barangay sa munisipyo kauban ang ginsakpan sa PDEA-12.
Usa ang Brgy. Bintong sa gibutyag sa opisyal nga drug cleared barangay na.
Aminado si Gabat nga luyo sa ilang pagpaningkamot, aduna gihapoy kaso sa droga sa ilang area of responsibility apan hinuon, dili na pareho kaniadto nga daghan kaayo.
Samtang, sumala pa sa opisyal nga hugot usab ang ilang monitoring sa mga drug surfacing personalities aron masayran kung nibalik ba ilang kalambigitan sa gidling droga.
