-- ADVERTISEMENT --
GENERAL SANTOS CITY – Sigurado na ang biyahe sa usa ka 18 anyos paingon sa Gensan City Jail human masikop sa kapulisan sa San Isidro miaging adlaw.
Kini tungod walay piyansa nga girekomenda ang korte alang sa dinakpan nga si Erwin Caling nga residente sa Purok balunto, Labangal ning syudad.
Matud ni Police Major Alex Lanestosa sa San Isidro Police Station nga ilang gidakop ang nahisgutan pinaagi sa kamandu-an ni RTC 22 Judge Jose Blanza Jr human kini mag-atubang ug kaso nga rape.
Matud ni Lanestosa nga ila nang napahibalo ang suspek sa iyang mga katungod apan gipaniguro niini nga diretso na kini sa Lanton City Jail tungod walay piyansa ang nahisgutang kaso.
