-- ADVERTISEMENT --
GENSAN- Patay ang usa ka 18-anyos nga lalaki human nakuryentehan samtang nanguryente ug isda.
Nahitabo ang insidente sa usa ka kanal sa Prk Bayanihan Brgy San Isidro ning siyudad, kung asa giila ang biktima nga si Jezreel Umbawa, 18-anyos, residente sa nasampit nga lugar. Sa report, nanguryente ug isda ang biktima sa usa ka kanal, dihang may usa ka live wire nga anaa sa daplin sa kanal.
Iyaha matud pa kining gikuhit, apan kalit hinuon kining nahagbong sa tubig hinundgan nga nakuryentehan ang biktima.
Nadala pa ang nasampit sa balay-tambalanan apan gideklarang dead on arrival sa mga doktor.
