17 patay sa pagkasunog ug building sa India

Namatay ang 17 ka tawo ug daghan pa ang naangol human nasunog ang usa ka bilding sa Hyderabad City, habagatang India.

Gidala sa tambalanan ang mga naangol nga biktima sa sunog nga miulbo duol sa makasaysayanong monumento sa Charminar.

Matod sa federal minister ug lider sa Bharatiya Janata Party nga si G Kishan Reddy, short circuit ang hinungdan sa sunog.

Base sa inisyal nga imbestigasyon, moabot sa 21 ka tawo ang anaa sulod sa tulo ka andana nga building dihang nagsugod ang sunog.

Nilanat og kapin sa usa ka oras una hingpit nga napalong ang kalayo..