17 katao patay tungod sa bagyong ‘Nando’ sa Taiwan

Niabot na sa 17 ang patay sa Bagyong Ragasa, usa ka bagyo nga niagi sa Pilipinas ug gitawag nga “Nando.”

Dul-an sa duha ka milyon nga mga tao usab ang gipabakwit sa habagatang China.

Ubay-ubay usab nga mga tao ang gikataho nga na-missing human sa pag-awas sa linaw sa Guangfu Township.

Ang Ragasa gipaubos na gikan sa usa ka super typhoon ngadto sa severe typhoon nga adunay hangin nga 241 kilometros matag oras nga natala sa Taishan county sa lalawigan sa Guangdong.

Ang mga awtoridad nagpadayon sa pagluwas sa mga residente nga misaka sa atop sa ilang mga balay tungod sa baha.

Ang Bagyong Ragasa o Nando sa Pilipinas nakahatag usab ug kadaot sa Pilipinas ug Hong Kong.