Nahidangat na sa Jordan ang 17 ka opisyal sa Pilipinas nga na-stranded sa Israel tungod sa gasamot nga tensyon ug panagbangi tali sa Israel ug Iran.
Sumala sa Department of Foreign Affairs (DFA), luwas ug walay nasamdan sa mga opisyal, ug kasamtangang nagpabilin sa Amman, Jordan samtang naghulat sa pinal nga koordinasyon alang sa ilang pagpauli.
Gipasalig sa DFA nga ‘fully assisted’ ang mga nasampit nga opisyal, ug aduna nay giandam nga flight karong Sabado aron makauli sila sa Pilipinas.
Nagpasalamat usab ang DFA sa gobyerno sa Jordan sa paghatag og humanitarian passage ug temporary accommodation alang sa mga Filipino officials.
Gikan ang mga opisyal sa usa ka opisyal nga pagbisita sa Israel alang unta sa dairy farming sa dihang natigayon ang kalit nga mga atake.
Tungod sa peligro sa seguridad, napugos silang ihikling gikan sa Israel pinaagi sa tabang sa embahada ug mga international partners.
Lakip sa mga stranded silang Mayor Aron Balais sa Barugo, Mayor Athene Mendros sa Lawaan, og Mayor Betty Cabal sa Hindang.
