-- ADVERTISEMENT --
Niaabot na sa nasud ang 17 ka tripulante human nga sila buhian sa Houthi rebels sa Yemen.
Mitugpa ang Oman Air flight 843 sa Ninoy Aquino International Airport Terminal 1 sa Pasay City alas 9:31 sa gabii nga sakay sa 17 ka mga Filipino seafarer.
Giabi-abi sila ni Department of Migrant Workers (DMW) Secretary Hans Leo Cacdac, Department of Foreign Affairs Secretary (DFA) Enrique Manalo, Transportation Secretary Jaime Bautista ug pipila ka opisyal sa gobyerno.
Ang mga tripulante mao ang crew sa M/V Galaxy Leader nga nadakpan sa mga rebeldeng Houthi sa red sea kaniadtong Nobyembre 2023.
Human sa pagpagawas sa miaging adlaw, si President Ferdinand Marcos mimando dayon sa ilang pagpauli.
-- ADVERTISEMENT --
