GENERAL SANTOS CITY – Kustodiya na karon sa Bahay Pangarap sa City Social Welfare and Development Office ang 17-anyos nga suspek paglugos sa 13 yrs.old.
Kini ang pahayag ni Police Major Ananias Vasquez sa Makar Police Station human maaresto ang suspek nga misulay pa pagsibat dinhi sa dakbayan.
Kaniadtong Sabado kuyog ang 13 anyos sa ig-agaw nga 14 anyos ug uban nga barkada ang miadto sa usa ka bunkhouse sa Sinawal.
Pag-abot matud pa sa lugar gipainum sa mga barkada ang biktima samtang gibiyaan sa ig-agaw ug dihang mahubog na didto na kini gihilabtan sa menor de edad nga suspek.
Matud ni Major Vasquez nga naabtan pa sa ig-agaw nga ginahilabtan ang biktima hinungdan nga misumbong sa mga barangay officials ug giaresto ang suspek.
Matud sa kapulisan nga positibo nga nahilabtan gayud ang biktima nga gipailawom na sa stress debriefing sa CSWDO.
