GENERAL SANTOS CITY – Hustisya ang singgit sa asawa sa kamatayon sa bana niini human nga gipusil patay sa Blk. 14, Purok 17-A Brgy. Tambler ning dakbayan.
Matud pa kang Kim Labiton, wala kini laing gidudahan nga responsable sa kamatayon sa bana nga si Nathaniel Labiton, 35 anyos, traysikel driver kun dili ang nakabulagay nga karelasyon niini nga nagpangidaron og 16 anyos lamang.
Sa pakighinabi sa bomboradyo, gibutyag niiini nga kini magtuo nga adunay kalambigitan sa iligal nga druga og iligal nga gimbuhaton ang hinungdan sa pagpamusil sa iyang bana.
Ang gidudahan niini mao ang 16-anyos nga kanhi karelasyon sa iyang bana. Sa pamahayag sa misis nga una namatay ang bana, giangkon niini sa iyaha tanan ang pakigrelasyon sa menor de edad kung asa grabe matud pa ang ilang panaglalis dihang nagbulag.
Kahinumduman nga gipusil patay ang biktima atubangan sa botika samtang maneho ang traysikel.
Sa pagsaysay sa mga testigo, duha ang suspek nga nakasakay og motorsiklo.
Human gipusil lima ka higayon, gitiwasan sa mga suspek ang biktima human nga subling gitiro hinungdan sa hinanaling kamatayon niini.
Padayon ang kapulisan sa Tambler sa pagpangalap og impormasyon aron sa pagsulbad sa krimen.
