-- ADVERTISEMENT --
GENERAL SANTOS CITY – Midangop sa Makar Police Station ang usa ka 16 anyos nga babaye human matud pa gilugos sa iyang higala nga 16 anyos usab nga kainom.
Matud sa biktima nga si Alyas Angela, nag-inom sila kauban ang tulo ka mga higala.
Dihang medyo nahubog na, gidala matud pa siya sa suspak sa lawak niini ug didto gihimo ang pagpanglugos.
Giimbestigahan na sa kapulisan ang panghitabo ug gipaabot nga makapa-medical ang biktima aron masayran kon tinuod nga nalugusan.
