GENERAL SANTOS CITY – Dise sais ka bag-ong kaso sa COVID 19 ang natala sa Region 12 base sa labing ulahing report gikan sa DOH – Center for Health Development Soccsksargen Region.
Nasayran usab nga 28 ang bag-ong nakarekober og tulo ang patay. Ang usa ka patay ang gikan sa Kidapawan City, Makilalala sa North Cotabato og sa Cotabato City.
Sa nasampit nga ihap duha ang gikan sa GenSan, lima gikan sa North Cotabato, og siyam sa South Cotabato kung asa pito gikan sa Polomolok og tag sa usa sa Koronadal og Surallah.
Sa pagkakaron nagpabiling nanguna ang GenSan sa may labing daghang kaso sa COVID 19 nga anaa sa 1,424 ka kaso, 96 ang active cases og 61 ang patay.
Ang South Cotabato ang may 1,167 ka kaso, 56 ang active cases og 27 ang patay.ANg Cotabato City ang may 1,063 ka kaso, 39 ang active cases og 39 ang patay. Ang Sarangani ang may 436 ka kaso, 36 ang active cases og 15 ang patay.
Ang North Cotabato ang may 414 ka kaso, 67 ang active cases og 18 ang patay. Ang Sultan Kudarat ang may 289 ka kaso, 31 ang active cases og 12 ang patay.
Sa katibuk-an adunay 4,794 COVID-19 confirmed cases sa Region 12 kung asa 325 o 6.78% ang active cases, 4,296 o 89.61% ang recoveries og 172 o 3.58% ang COVID-19 related deaths.
