Usa ka 16-anyos nga estudyante sa Hingham, Massachusetts nahimong pinakabata nga Justice of the Peace sa USA niadtong 2023.
Si Henry Buckley gitudlo sa posisyon bisan pa sa iyang batan-on nga edad.
Kini human makompleto ang tanang kinahanglanon alang sa posisyon, sama sa: usa ka rehistradong botante, usa ka legal nga residente sa Massachusetts, ug adunay suporta sa komunidad.
Gipakita usab niya ang seryoso nga tinguha sa pagserbisyo, nga misangpot sa iyang nominasyon ni Gobernador Maura Healey ug sa Konseho sa Gobernador.
Ang Justice of the Peace maoy usa ka opisyal nga gihatagan ug gahom sa pagbuhat sa legal nga mga katungdanan sama sa pagnotaryo sa mga dokumento, pag-officiate sa mga seremonyas sa kasal, ug pagmintina sa kalinaw sa komunidad isip usa ka “conservator of the peace.”
Bisan tuod si Henry wala magdumala sa mga kriminal nga kaso, aktibo siya sa pagtabang sa paghimo og usa ka statewide nga handbook para sa iyang mga kaubang opisyal ug pagsuporta sa mga adbokasiya sama sa mga katungod sa pagboto sa kabatan-onan ug reporma sa kahimsog sa pangisip.
Nag-resign si Henry sa posisyon kaniadtong Pebrero 2025 aron mag-focus sa iyang pagtuon.
Bisan pa sa iyang pag-resign, nagpabilin siyang inspirasyon sa daghang mga batan-on sa iyang lugar.
Alang niya, dili babag ang edad sa pagbaton og tingog ug responsibilidad sa katilingban.
