GENERAL SANTOS CITY – Mukabat sa 159 ang bag-ong kaso sa COVID 19 sa Region 12 base sa labing ulahing report sa DOH – Center for Health Development Soccsksargen Region.
Nasayran nga anaa sa 158 ang recoveries og upat ang patay nga ang duha gikan sa GenSan og duha usab gikan sa Tacurong City.
Sa 159 nga ihap ang 69 gikan sa GenSan, 35 sa South Cotabato kung asa 13 gikan sa Polomolok, 32 sa Sarangani ang 15 gikan sa Maitum og 14 taga Alabel. Samtang 14 gikan sa Cotabato Province og siyam gikan sa Sultan Kudarat.
Tungod niini anaa na sa 3,092 ang kaso sa COVID 19 sa GenSan, 440 ang active cases og 107 ang patay.
Ang South Cotabato ang may 3,065 ang kaso, 528 ang active cases og 72 ang nakabsan sa kinabuhi.
Ang Cotabato Province ang may 1,567 ka kaso, 290 ang active cases og 84 ang patay.
Ang Sarangani ang may 1,005 nga kaso, 233 ang active cases og 18 ang nagtaliwan.
Ang Sultan Kudarat ang may 598 ka kaso, 122 ang active cases og 26 ang patay.
Sa katibuk-an adunay 9,687 COVID-19 ang confirmed cases sa SOCCSKSARGEN region kung asa 1,613 (16.65%) ang active cases, 7,765 (80.16%) ang recoveries og 307 (3.17%) ang COVID-19 related deaths.
