GENERAL SANTOS CITY – Naaprubahan sa 20th regular council sa Sangunian Panglungsod ang dugang kinse mil ka bag-ong prangkisa.
Tumong niini aron mahimong legal ang pagpamasada sa dakbayan. Kini human gibutyag ni Konsehal Dominador Lagare Jr nga adunay trenta mil kapin ka mga traysikel ang nagapamasahero sa dakbayan nga walay prangkisa.
Basi sa ordinance number 37 nga pagkahuman ang paghatag ug prangkisa sa mga traysikel magsugod na pagpanakop sa mga kolorum.
Kini luyo nga may gihimo na ang dakbayan aron kapugngan nga makasulod ang traysikel nga dili taga General Santos apan wala kaayo epekto tungod daghan gihapon ang nakasulod nga traysikel ug namasahero sa syudad ug usa sa pamatuod kadtong driver nga gitabangan ug sumbag sa usa ka dapit sa Lagao nga mibunot ug kutsilyo dihang naapeke ug buot manunggab nga nasuta nga taga Alabel Sarangani.
Bisan gani sa gipatuman nga ordinansa nga kinse peso ang singil nga pasahe apan nagpabilin gihapon ang karaan nga eskima nga pilay ibayad mo didto sa maong destinasyon.
